بلوچستان نا ضلع آواران تحصیل جھاؤ نا ہند واجہ باغ پولیس ایریا ٹی نادُرست سلاہ بند بندغ آتا سُمکاری آن امجد علی ولد علی بخش کونرو تحصیل مشکے نا ہندی خلنگا۔
ایلو نیمہ آ ضلع گوادر نا ساحلی تحصیل پسنی ٹی کشتی نا ڈُبینگ آن اسہ بندغ ئس بیران مس۔
تحصیل پسنی نا ہند کلمت نا دیر ئٹی ماہگیر آتا کشتی نا ڈُبینگ آن اسہ بندغ ئس بیران، اسٹ ئس بیگواہ و اسٹ ئے رکھیفیر۔
کشتی ٹی سوار انگا مُسٹ انگا ماہگیر آک اسہ خاہوت ناءُ۔
کلمت آن بروکا حوال آتا رد ئٹ ماہگیری اسپیڈ بوٹ کلمت نا دیر ئٹی شکار نا وخت ڈُبینگا، اراٹی سوار مکیش ولد ولیداد بیران مس۔
امیر بخش ولد پیر بخش ئے زندہ رکھیفیر و بدل خان ولد ولیداد دائسکان بیگواہءِ۔
