بلوچ لبریشن آرمی نا جارکش جیئند بلوچ میڈیا ٹی شنگ مروکو درشان ئسیٹی پارے کہ سرمچار آک کیچ ئنا ہند تجابان ئٹی اِستو قوضہ گیر پاکستانی لشکر نا کیمپ ئے اسہ جلہو ئسیٹی ٹک کریر،جلہو ٹی چھار دشمن کارندہ خلنگا و پنچ ٹپی مس۔
او پارے کہ سرمچار آک دشمن لشکر نا بھلا کیمپ آ اسہ وخت آ اِرا نیمہ آن راکٹ، گرنیڈ لانچر و بھلا سلاہ تیٹ جلہو کریر ۔ بیست منٹ اسکان برجاء مروکا دا جلہو ئٹی دشمن نا مسہ رکھوک چوکی بھُس مس،اراٹی ساڑی آ کارندہ غاک ہمو جاگہ غا کھسکر و پنچ ٹپی مس، پین اِرا کارندہ سرمچار آک مُر خلوکا سلاہ تیٹ نشانہ کریر۔
جلہو نا سوب آن دشمن نا کیمپ ئنا تہٹی سلوک آ لاریک بھُس مسر، دشمن لشکر نا کارندہ آک سرویلنس کیمرہ کارمرز کننگ نا کوشست کریر، ارادے سرمچار آک خلیسِہ بٹیر۔
بلوچ لبریشن آرمی دا جلہو نا ذمہ واری ئے ہرفک۔بلوچ وطن نا آجوئی اسکان پاکستانی لشکرجلہوک برجاء مرور ۔
