بلوچ لبریشن آرمی نا جارکش جیئند بلوچ درشان ئسے ٹی پارے کہ سرمچار آک کولواہ و سبی ٹی مسہ جتائنگا جلہو تیٹی قوضہ گیر پاکستانی لشکر ئے ٹک کریر ، اراٹی اِرا دشمن کارندہ کھسک ۔
او پارے کہ کولواہ نا ہند رودکان ٹی بی ایل اے نا سرمچار آک قوضہ گیر پاکستانی لشکر نا کارندہ تے ہمو وخت ٹک کریر اراوخت او کیمپ ئنا تہٹی اسہ لاری سیٹی جمع اسُر ۔ سرمچار آک دشمن لشکر آ گرنیڈ لانچر نا کیہی گولہ خلکُر و بھلا سلاہ تیٹ جلہو کریر ۔ جلہو ئٹی کم آن کم اِرا دشمن کارندہ ہمو جاگہ غا کھسک و ارٹ پین ٹپی مس وخت ئسکہ دشمن ئے مالی نسخان ہرفوئی تما ۔
بی ایل اے نا سرمچار آک اینو سوب ئنا سبی نا ہند کرموڈھ ٹی قوضہ گیر پاکستانی لشکر نا اسہ پوسٹ ئسے آ بھلا سلاہ تیٹ جلہو کریر اراٹی دشمن ئے جانی و مالی نسخان ہرفوئی تما ۔
جارکش پارے کہ سرمچار آتا اسہ پین ٹولی ئس کرمووڈھ نا ہند آ پاکستانی لشکر نا پیدل کارندہ تے اسہ جلہو ئسے ٹی ٹک کریر ارانا سوب آن دشمن ئے نسخان تو مون تروئی تما ۔
بلوچ لبریشن آرمی دا جلہو نا ذمہ واری ئے قبول کیک ۔ قوضہ گیر لشکر نا بلوچستان آن تیبہ غا پیش تمنگ اسکان ننا کاروائیک برجاء مرور ۔
