بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک مستونگ نا ہند کڈکوچہ ٹی معدنیات دروکا ٹرک آتے ٹک کریر۔
اینو 24 مئی نا دے چار بجہ آ سرمچار آک کڈکوچہ نا نیام ژلی ٹی معدنیات دروکا شش ٹرک آتا سُمکاری کرسا ٹائر آتے برسٹ کریر۔ لاری تہ ڈرائیور و کلینر آتے تنبیہ کننگ آن پد یلہ کننگا۔
نن پاننگ خواہنہ کہ بلوچستان آن مڈی دننگ آن اجازت کس ئے اف۔ قوضہ گیر پاکستان نا لشکر و سرکاری کمپنی تیتون اوار انگا استحصالی پراجیکٹس تیٹی اوار کمپنیک بلوچ راجی مڈی تہ لُٹ و پل آن دو کشر اگہ نا اوفتے سخت انگا جلہوتے مون تروئی تمو۔
نن معدنیات دروکا لاری ڈرائیور و مالک آتے پاننگ خواہنہ کہ اوفک دا کاریم ئے یلہ کیر اگہ نا تینا جانی و مالی نسخان تہ ذمہ وار تینٹ مرور۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک و بلوچ سرزمین نا تیوعہ آجوئی اسکان قوضہ گیر لشکر و ریاست نا کُل مفادات آک ننا نشانہ ٹی مرور۔
