بلوچستان یونیورسٹی نا کاریم کروک آتا تنخواہ تہ رسینگپنگ نا برخلاف سریاب کسرئے بند کریر ارانا سوب آن ٹریفک نا نظام متاثر مس ملازم آک سُہب ئنا ہشت بجہ آن سریاب کسرئے بند کریر۔
کاریم کروک و استاد آتا پاننگ ءِ کہ تنخواہ تہ مستقل حل کشنگ افس۔
جوائنٹ ایکشن کمیٹی نا صدر نا پاننگ اسکہ کہ بلوچستان یونیورسٹی صوبہ نا مادری یونیءِ اراڑے کیہی کاریم کروک،استاد و افسر آک اریر، ارافتا تنخواہ تہ تننگ حکومت نا ذمہ واریءِ و استاد آتا بنیاتی حق ءِ ولے یونیورسٹی نا کاریم کروک آک ہنوکا چار سال آن برانز کرسا تنخواہ تے ہلنگءُ۔
او مونی پاریر کہ صوبائی و وفاقی حکومت تیوعہ ملک ئنا یونیورسٹی تیکن بجٹ نا بناء کننگ تون رقم مقرر کرے تاکہ کاریم کروک آتا مسئلہ نا مستقل حل کشنگ مرے۔
او پارے کہ صوبائی اسمبلی نا مون آ برانز کننگ آ ننے یخین تسُر کہ جون اسکان تنخواہ تے ترون ولے دائسکان تنخواہ آک تننگ متور استاداک خوانیفنگ کن مریرہ نا کہ کسر تہ برابز کننگ کن۔
