تربت آپسر نا ہندی بی بی زیبا پارینے کہ اونا چُنا ساجد ولد اکبرئے اسہ تُو ئسیان گیش مسونے ذاکر رؤف پنی ءُ بندغ ئس تینا راہا بٹگیفنے اوکان پد بیگواہءِ۔ ننے تینا چُنا نا سلامتی خوائک ولے ذاکر اونا بابت ئٹ گڑاس پاننگا نمنءِ۔
او پارے کہ کنا سیالی اسہ غریب خاہوت ئسیانءِ کنا چُنا ساجد کن خاہوت ئے ہر وخت آگیش پریشر کرسا ننے تڑی تننگ مس و پاننگا کہ ساجدئے ننا حوالہ ئٹ کبو اونا زی آ سرکارئے خدشہ آک اریر ہندا سوب آن ننا اُراغہ کیہی وار چھاپہ خلیسہ ننے تنگ و ایلو مار آ بے کچ تشدد کننگا نن تنگ مرسا ذاکر رؤف نا یخین تننگ آن پد تینا چنا ساجد اکبر ئے اونا حوال ئٹ کرین ذاکر رؤف ساجدئے سرکار نا مونا پیش کننگ و المی چائنداری تننگ آن پد دوارہ ہتنگ نا یخین تس۔
او پارے کہ دا ہیت ئے داسا اسہ تُو ئس پورو مسونے ولے ساجد بتو داسا ذاکر ہم نمنءِ اراکان نن سخت مایوس مسون ننا خواستءِ کہ ساجد کس ئسینا ہم راہاٹے اودے بندغی ہمدردی نا بنیات آ واپس ہتنگ مرے۔
