بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک کیچ ئنا ہند کولواہ ٹی قوضہ گیر پاکستانی لشکر نا قافلہ آ بھاز خڑکان سنگر ہلیسہ جلہو کریر، جلہو ئٹی دشمن نا پنچ کارندہ خلنگا و بھازاک ٹپی مسُر ۔
چھار شمبے نا دے آ یک ءُ نیم ئنا خڑک سرمچار آک مراستان کولواہ ٹی سنگر ہلِسہ دشمن نا چھار لاری تہ قافلہ آ جلہو کریر،ترند انگا جلہو ئٹی دشمن نا پنچ کارندہ ہمو جاگہ آ کھسک و بھازاک ٹپی مسُر۔
قوضہ گیر پاکستانی لشکر نا دا قافلہ بلور ٹی جوڑ مروک کیمپ آن تربت آ ہِننگ اسک کہ سرمچار آک جلہو کریر، جلہو ٹی دشمن نا لاری تے ہم بھاز نسخان رسینگا۔
اسہ پین جلہو ئسیٹی اِستو شام ئنا ہشت بجہ آ سرمچار آک پنجگور نا ہند چتکان قلم چوک آ جوڑ مروکا قوضہ گیر پاکستانی لشکر نا چوکی آ چغلی بمب ئٹ جلہو کریر ۔ چغلی بمب چوکی نا تہٹی تما ارانا سوب آن دشمن نا اِرا کارندہ ٹپی مس ۔
جارکش ایسر ئٹ پارے کہ بلوچستان لبریشن فرنٹ دا جلہو تہ ذمہ واری ہرفک۔ بلوچ سرزمین نا تیوعہ آجوئی اسکان سرمچار آتا جلہوک ترندی ئٹ برجاء مرور۔
