اسرائیل نا حکومت غزہ ٹی تینا کاروائی ٹی خلنگ نا تینا اولیکو کچ مونی ہتیسہ پاننگا کہ اونا لشکر چانڑدہ ہزار دہشت گرد و شانزدہ ہزار لس شہری تے خلکُنے۔
غزہ ٹی حماس نا وزارت صحت نا پاننگءِ کہ سی ءُپنچ ہزار بندغ خلنگانو و خلنگ مروکاتیٹی بیست ءُ پنچ ہزار نا پجار مسنے ۔
اسرائیل نا وزارت خارجہ نا جارکش اورین ماامورسٹین ہنوکا ہفتہ پاریسس کہ اسرائیل وار وار پارینے کہ غزہ آن ارا کچ مون آ بننگءِ و ارادے اقوام متحدہ نا ایجنسیک دوارہ کننگءُ، اوفتیٹی دہشت گرد حماس نا چالءِ۔
ہنوکا ہفتہ جینوا ٹی جہانی ادارہ صحت نا جارکش کرسچن لنڈمیئر آن اراوخت فلسطینی خلنگ مروک آتا کچ نا ہریفیر گُڑا او حوالکار تے پارے کہ کچ ئٹی ہچ ئس غلط اف۔
او پارے کہ دا راستءِ کہ ننتون داسا بیستءُ پنج ہزار بندغ آ تا پجار ارے ۔
حماس نا نیمہ آن تروک آتا کچ جنگجو و لس شاری تہ کچ جتا پاننگانے۔حماس پارے کہ خلنگ مروکا تیٹی گیشتر زالبول و چُناءُ۔
