بلوچ لبریشن آرمی نا جارکش جیئند بلوچ میڈیا ٹی شنگ مروکو درشان ئسیٹی پارے کہ سرمچار آک دکی ، زامران و سبی ٹی چھار جتاؤ کاروائی تیٹی بلوچ وسائل آتا دزنگ دننگ ٹی اوار ٹرک، قوضہ گیر لشکر نا نیمہ غان خلوکو کیمرہ ،موبائل ٹاور و چیک پوسٹ آتے ٹک کریر ۔
جارکش پارے کہ بلوچ سرمچار آک اِستو دکی نا ہند سنجاوی پاسرہ تنگی نا خڑک بلوچ وسائل آتا دزنگ دننگ ئٹی اوار ٹرک آتے ہمو وخت ٹک کریر اراوخت او بلوچستان آن پنجاب آ کوئلہ دننگ اسُر ۔ جلہو ئٹی سرمچار آک شش ٹرک آتے ہُشار ۔
او پارے کہ نن دشمن نا زرئٹ ہلوک تالی چٹ آتے خبردار کرینن کہ اگہ اوفک بلوچ راجی مفادات آتا برخلاف دشمن نا صف تیٹی توسور تو او ترند آ جلہو تیٹی ٹک کننگِک ۔
ہندن بلوچ لبریشن آرمی نا سرمچارآک اِستو زامران نا ہند آرچن کور ئٹی قوضہ گیر پاکستانی لشکر نا نیمہ غا خلوک کیمرہ تے کاروائی سیٹی بھُس کریر ۔
جیئند بلوچ پارے کہ اسہ پین کاروائی سیٹی سرمچار آک زامران نا ہند دشتک نا ہند آ قوضہ گیر لشکر نا نیمہ غان انٹرنیٹ کِن خلوک آ ٹاور ئے تراکی شورہ ئٹ بھس کریر۔
جارکش پارے کہ بلوچ لبریشن آرمی نا سرمچارآک اینو سبی نا ہند کرمووڈھ ٹی قوضہ گیر پاکستانی لشکر نا اسہ پوسٹ ئسے ٹک کریر ، اسنائپر جلہو آن پد سرمچار آک بھلا سلاہ تیٹ دشمن آ جلہو کریر ۔ جلہو ئٹی کم آن کم اِرا دشمن کارندہ ٹپی مس ۔
بلوچ لبریشن آرمی دا جلہو نا ذمہ واری تے ہرفک۔ آجو وطن نا ہلنگ اسکان پاکستانی لشکر آ اوڑتون اوار مروک آتا ننا جلہوک برجاء مرور ۔
