ڈاکٹر ماہ رنگ بلوچ ناروے ٹی بندغی حق آتا رد ئٹ مروکا کانفرنس ئٹی بشخ ہلنگ کن ناروے آ سر مس۔
دا رد ئٹ بلوچ یکجہتی کمیٹی نا رہشون ڈاکٹر ماہ رنگ بلوچ چاگڑدی سائٹ آ پوسٹ کرسا پارے کہ بندغی حق و ایکٹوازم نا شار اوسلو،ناروے آ سر مسونے۔
او پارے کہ اسہ ہندنو ڈیہہ ئسیٹی سر مسونوٹ ارا تینا ہُرینہ جمہوری روایات و امن نا نوبل انعام کن چائنگک۔
او مُستی نوشتہ کرے کہ 44 ڈیہہ تیان بندغی حق آتا باسک آتے اوار کروکا بھلا کانفرنس ئٹی بشخ ہلنگ کن منہ دے کن بسُن اُٹ۔
ڈاکٹر ماہ رنگ پارے کہ بلوچستان ئٹی زوراکی ئٹ بیگواہی، بندغی حق آتا خلاف ورزی و بیدس عدالت آن کوش آتا رد ئٹ ہیت کروٹ۔
