بلوچستان نا ہند بولان آ دیر ئٹی بُڈینگسہ بندغ ئس بیران مس۔
لیویز نا رد ئٹ سئے شمبے نا دے بولان آ دیر ئٹی بُڈینگسہ بیبرگ خان پنی ءُ بندغ ئس بیران مس۔
کمکار آک زوت جون ئے دوئی کرسا اسپتال آ دریر اوڑے المی کاروائی آن پد جون ئے خاہوت نا دوٹی تننگا۔
لیویز نا رد ئٹ بیران مروکا بندغ کوئٹہ نا ہندی سے۔
ایلو نیمہ آ تربت آن بندغ ئسینا جون خننگا۔
جون پیدارک نا ہند مورانی نا ٹک آ دوئی مس۔
جون ئنا پجار عاشق ولد داد کریم گوکدان نا ہندی ئٹ مس۔
لیویز جون ئے اسپتال آ سر کرے۔
پاننگک کہ عاشق ولد داد کریم چُنکہ عئید ئنا ارٹمی دے اُراغان پیش تماسس اوکان پد بیگواہ اسک۔ ہندُن پاننگک اونا ذہنی توازن ہم جوان متنے۔ جون ئے اونا سالُم خلیل ولد رحمت دوئی کرے، جون ئے بھاز دے مریک۔ اونا پجار جیب ئٹی شناختی کارڈ آن کننگا۔
یاتی مرے کہ جیب ئٹ شناختی کارڈ ئنا رسینگ پاکستانی لشکر و ایجنسی تہ خلنگ نا وڑءِ ارافک بیگواہ مروکا بندغ آتے بیدس عدالت آن خلنگ آن پد جون تے ویران تیٹی بٹیرہ۔
