بلوچستان دکی سنجاوی ٹی نادرست آ سِلاہ بند آ بندغاک پوغ آن پُھر ٹرک لاری تا جُلہو کریر اراٹی اسہ ڈیور ئس جاگہ آ خلنگا مسٹ ٹھپی مسُر و چھار ڈیور بیگواہ کننگار۔
تدینی بغاؤ سنجاوی ٹی پاسرہ تنگی نا ہند آ مسّنے۔
سِلاہ بنداک پوغ آن پُھرا گاڈی تا پٹرول شاغسہ ہشار تہ۔
لیویز نا پاننگءِ کہ لاری تا جُلہو ٹی اسہ ڈرئیور ئس جاگہ آ خلنگا ہندن مسہ ڈیور آک ٹھپی مسُر۔
پوغ آن پُھرا لاریک دکی آن پنجاپ آ ہِننگ ئٹی مسنو کہ دکی-شال کسر آ اوفتا جُلہو مس۔
ٹرک گاڈی تا سُم کاری و پِٹول شاغنگ آن پد پنچ گاڈی مُچ ہُشنگانُہ و ششمیکو ئے گِڑاس نسخان رسینگانے۔ تدینی آن پد لیویز و ایف سی نا کارندہ آک جاگہ آ سرمسّنُہ۔
گاڈی ڈیور آتا پاننگ کہ جُلہو کروکاک شش مسّنُہ ہرا پند آ بسّسُہ۔ اوفتا پاننگ کہ سلابند آ بندغاک بنّنگ تو سُم کاری کریر۔
تدینی ٹی خلنگوکا ڈیور شاہ محمد/باز محمد جاگہ بغاؤ سنجاوی نا پِن ئٹ درست مسّنے۔ ٹھپی آتان اسٹ عبدالقادر/عبدالمجید ہم بغاؤ نا ہندی سے۔
یات مرے کہ یک فروری آن دکی نا پوغ ئنا مڈّی تا جُلہو مرسہ ءِ، سِلابندا بندغاک مہالو ہم ایف سی نا گاڈی، پوغ ئنا گاڈی و پوغ ئنا دھون تا جلہو کرسہ مزورتے بیگواہ کرینُہ۔
سلابندا بندغاتا پوغ ئنا مڈّی تا جُلہو نا سوَب آن کیئی تُو آن پوغ ئنا کاریم ہم بند کننگانے۔
دا جُلہو نا زمہ ئے داسکا اسہ گَل ئس ہفتنے ولے مُست آن بلوچستان ٹی مڈّی تا لُٹ ءُ پُل کروکاتا جُلہو نا زمہ ئے سِلابند بلوچ آجوئی دوست گَل آک ہفّینُہ۔
