بلوچستان نا ہند ڈیرہ اللہ یار ٹی سُمکای و تالاب ئٹی بُڈینگ آن اِرا چُنا تیتون اوار مُسہ بندغ بیران مسُر، پَنجگُور آن جون ئس خننگا ۔
ڈیرہ اللہ یار ٹی دُزی نا وخت مزاحمت کننگ آ سُمکاری آن بندغ ئس بیران مس
سئے شمبے نا سُہب ڈیرہ اللہ یار آن خُڑک منی بائی پاس محلہ مراد کالونی ٹی بندغ ئسے دُزی آ مزاحمت کننگ آ سُمکاری کریسہ خلکُر ۔
ہندی تہ رد ئٹ اِرا نا دُرست نقاب پوش سلاہ بند بندغ آک موٹر سئیکل آ تولوک بندغ آ تیان اسٹ ئس موٹر سئیکل پُھلنگ نا کوشست نا وخت مزاحمت کرے اراڑان سلاہ بند بندغ آک سُمکاری کریسہ غلام محمد ولد محمد عثمان ئے خلکُر ۔
پاننگک کہ غلام محمد ولد محمد عثمان ایس پی جعفرآباد اسکارٹ کمانڈو کانسٹیبل اسک۔
ایلو نیمہ آ ڈیرہ اللہ یار ٹی تالاب ئٹی بُڈینگ آن اَسہ خاہوت ئسینا اِرا چُنا بیران مس ۔ چُنا تہ پجار فتح محمد، طاہر علی نا پِن ئٹ مس ارافتا عمر ہشت یا نُہہ سالءِ۔
پَنجگُور نا ہند جلالی خاک آن بندغ ئسینا جون خننگا۔
لیویز نا رد ئٹ پَنجگُور نا ہند خدابادان نا مَشی ہند آ تیان جون ئس خننگا ارادے ہسپتال آ دننگ مس ۔
جون ئنا پجار وسیم ولد سبزل نوک آباد ناہندی ئٹ مس ارادے سُمکاری کریسہ خلکُنو ۔
