بی ایل ایف نا جارکش میجر گہرام بلوچ میڈیا ٹھ شنگ مروکو درشان ئسیٹی پارے کہ سرمچار آک کیچ ئنا ہند تجابان ئٹی قوضہ گیر پاکستانی لشکر نا قافلہ آ بھاز خڑکان جلہو کریر ، ترند انگا جلہو ئٹی دشمن لشکر نا پنچ کارندہ کھسک و ہفت ٹپی مس۔
دو شمبے نا دے یازدہ بجہ آ بی ایل ایف نا سرمچار آک تجابان ہپتاری جھل ئٹ بھاز خڑک آن قوضہ گیر پاکستانی لشکر نا مسہ ویگو و اسہ دیر دروکو ٹینکی سے پوسکُن و بھلا سلاہ تیٹ جلہو ئسیٹی ٹک کریر ۔ قافلہ ٹی اوار اِرا ویگو لاری ترند آ جلہو نا زد ئٹی بننگ نا سوب آن اوفتیٹی سوار انگا پنچ کارندہ ہمو جاگہ غا کھسک و ہفت ٹپی مس ۔ قافلہ ٹی ایلو لاری تے ہم نسخان رسینگا۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک و سرزمین نا آجوئی اسکان قوضہ گیر پاکستانی ریاستی لشکر آ سرمچار آتا جلہوک ترندی ئٹ برجاء مرور ۔
