درو نا دے بلوچستان نا مُسہ ہند آن سُم کاری آن نیاڑی سے تون اوار چھار بندغ خلّنگار۔
حوال آتا رِدٹ بولان ڈھاڈر رند علی شار ئٹی سُم کاری آن نیاڑی سے تون اوار اِرا بندغ خلّنگار، پولیس نا پاننگ کہ سِہکاری نا معاملہ سیٹ خلّنگانُو۔
پولیس جون آتے سول اسپتال ڈھاڈر آ راہی کرینے، خلّنگوکا نیاڑی (ز) و نرینہ مٹھل خان نا پِن آ درست مسُر۔
ایلو نیمہ آ دکی بلوچستان ٹی ہم سُم کاری آن اِرا بندغ خلنگار۔
لیویز نا پاننگ ئس کہ اولیکو سُم کاری ٹی سب ڈویژن لونی نا علاقہ کلی ملک تاج سناؤ ٹی سِلاہ بند آ بندغاک رشتہ سے نا کاٹُم کرامت اللہ/ مولوی رمضان شمزئی لونی ئے کھسفیر و نرّار ہنار۔
ارٹمیکو نیمہ آ کلی ملا عبداللہ دکی ٹی چُھنکو جھیڑہ سے آ سُم کاری آن دکان آ تُولوک محمد ظریف/سمت اللہ کاکڑ پِنی ءُ ورنا ئس جاگہ آ جہان ئے الّا۔ ہرتوما تدینی تا پولیس و لیویز یکہ یکہ پٹ و پول کننگ ئٹیءُ۔
