ایران نا سرکاری میڈیا تینا درشان ئٹی پارینے کہ صدر ابراہیم رئیسی، وزیر خارجہ حسین امیر عبدالہیان تون اوار ایلو سرکاری کارندہ آک ہیلی نا تمّنگ ئٹی ساہ تسّنو۔
درشان ئٹی مُستی پاننگانے کہ خرابا موسم نا سوَب آن صوبہ دےٹِکی آذربائیجان ئٹی ورزقان نا علاقہ آن خُڑک ہیلی تمّانے۔
تمّوکا ہیلی نا درو شام آن پٹنگ برجاء ئس، اینو سہب ئنا کُمکی کارندہ آک تمّوکا ہیلی ئے خنانو۔
پدا دا خبر ہم مونا بس کہ صوبہ مشرقی آذربائیجان نا سخت انگا مَشی آ ہند ٹی مُج ئنا سوَب کمک نا کاریم تیٹ وخت لگّنگءِ کاریم کروکاک پارینو کہ تدینی نا جاگہ آ زند ئنا ڈس رسینگپک۔
حوالءِ کہ صدر و ایلو سرکاری کارندہ آتے دروکا ہیلی تمّنگ آن پد تیوعہ ہُشنگانے۔
