بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ بلوچستان لبریشن فرنٹ نا سرمچار آک ہژدہ مئی نا سُہب ئنا دہ ءُ نیم بجہ آ چین پاکستانی اکنامک کوریڈور (سی پیک ) منصوبہ نا ردئٹ روان اسہ اسکیم ئس ارا کہ کسر ئس جوڑ کننگ اسُر ، اوڑا جلہو کرِسہ لاری و ایلو مشینری تے ہُشار ۔ دُن انگا کسر تہ جوڑ کننگ بلوچستان نا بیرہ پن ئنا دیمرئی کن نہ بلکہ بلوچستان نا مڈی تے لٹنگ کن کسر جوڑ کننگ ءُ۔
گوادر نا ہند نلینٹ ئٹی سرمچار آک فرنٹیئر ورکس آرگنائزیشن ( ایف ڈبلیو) نا پروجیکٹس ئٹی اوار ہندی ٹھیکدار تہ سائیٹ آتے آ جلہو کریر۔جلہو ئٹی لاری، ڈمپر،لوڈر و ایلو مشینری تے ہُشیسِہ ناکارہ کریر۔
نن ہندی ٹھیکدار تے بھاز وار پارینُن کہ اوفک سامراجی لٹ پلی منصوبہ تیٹی قوضہ گیر ریاست ئے کمک تفس ۔ دا خبرداری آن پد ہم داٹی اوار مننگ بلوچ راجی مفادات نا برخلاف ہمو ریاست تون اوار مننگءِ ارا بلوچ نا نسل کشی ئے کننگءِ۔
جارکش ایسر ئٹ پارے کہ دا جلہو تے ہم خبرداری پوہ مرسا و پین زیات نسخان آن رکھنگ کن ریاستی لٹ پلی منصوبہ تے آن مُرمبو ۔
دا جلہوک بلوچستان نا آجوئی اسکان برجاء مرور ۔
