خیبر پختونخوا نا ہند جنوبی وزیرستان ٹی پولیس نا پاننگ ءِ کہ پاکستانی طالبان مُسکوہی گڑھ ٹی مسڑ تہ اسکول ئسیا بمب تراک کریسہ اودے بھُس کریر۔
پولیس پک کرینے کہ دا جلہو صوبہ خیبر پختونخواہ نا ضلع وزیرستان ٹی کننگانے شام ئنا وخت آ کس ساڑی متنے ہندا سوب آن پین جانی نسخان ہم متنے ۔
ہندی پولیس کارندہ صفدر خان پارے کہ ہندا تُو ئنا ئٹی اَسہ پین اسکول ئسے بھاز نسخان رسیفنگ آن پد دا اِرٹمیکو تدینیءِ۔
مَنہ سال مُست ، او وخت ہم پاکستان نا شمال مغرب ٹی مسڑ تہ اسکول آ تیا بھاز جلہو کننگا ۔ اراوخت پاکستانی طالبان نا سوات تون اوار کیہی قبائلی ہند آتا قوضہ اسک ارافتے تحریک طالبان پاکستان یا ٹی ٹی پی چائنگ مریک، ہندا سال آ تیٹی سوات و اونا ایب کھیب نا ہند آ تیان بے پیشن کننگا۔
پاکستانی طالبان زالبول آتا خواننگ نا برخلاف ئے مُست ہم ہندا صوبہ ٹی مسڑ تہ اسکول آتے نشانہ کریسہ پارینو کہ زالبول آتے تعلیم تننگ مف۔ پاکستانی طالبان زالبول آتا تعلیم نا برخلاف ءِ و مُست ہم دا صوبہ ٹی مسڑ تہ اسکول تے نشانہ جوڑ کریسہ پارینو کہ زالبول آتےتعلیم تروئی اف ۔
