گوادر باڑ خلنگ نا بابت ئٹ بلوچ یکجہتی پھگہ ہفتہ نا دے کوئٹہ پریس کلب ٹی “گْوادر میگا پروجیکٹ آن میگا جیل اسکان “ نا عنوان آن دے ئسینا کانفرنس ئس اڈ ترو ۔
درشان ئٹی پاننگانے کہ بلوچ یکجہتی کمیٹی گْوادر نا باڑ نا حوالہ ئٹ کوئٹہ پریس کلب ٹی تیوعہ دے ئسینا کانفرنس اڈ تننگءُ ۔ دا کانفرنس ئٹ استاد ،صحافی ، وکیل ، سیاسی باسک و محققین آ تے اوار کرو ۔
دا حوالہ ئٹ بلوچ یکجہتی کمیٹی نا راہشون ماہ رنگ بلوچ پارے کل طاقتور قوت آک گْوادر شہر نا لکھ ئسے آن زیات بندغ آ تے استری نا تار ئٹی اوار کننگ خوائرہ تاکہ اوفتے مسخ کننگ کے ولے لس نا قیمت آ دا سرمایہ کاری سر سُہب مروف ۔ گْوادر ٹی انت مننگ ءِ دا بابت ئٹ چائنداری ہرفنگ کن پھگہ کوئٹہ پریس کلب آ ننا کانفرنس ٹی اوار مریر۔
یاتی مرے کہ داکان مُست گْوادرئے باڑ کننگ نا برخلاف یکجہتی کمیٹی نا بھلنی ٹی برانز تون اوار چاگڑدی رابطہ نا سائٹ آ آگاہی مہم اڈ تننگانے۔
