کیچ و بولان بلوچستان آن پاکستانی لشکر پنچ بندغ آتے زوراکی ئٹ بیگواہی نا گواچی کرینے۔
بیگواہ مروکاک کامران/باقی سعید/ موسی، فرہاد/ غفور، صغیر سجاد و قدیر سجاد نا پِن ئٹ چائنگ مسنو۔
بیگواہ مروکا ہرتوما ایلم تے تربت میری کلات آن اِستو دوانزدہ بجہ آ دزگیر کرسا بیگواہ کرینو۔
خاہوت نا پاننگءِ کہ ہرتوما ایلم تے نن نا دوانزدہ آ پاکستانی لشکر اُرا آن ہلکنے درینے ولے مچّٹ آن پد قدیر سجاد ئے یلہ کننگانے۔ او پاریر کہ قدیر سجاد نا ہلّنگ نا ننے ہِچ سما اف نئے اونا بیگواہی نا قانودی سوَب ئس ننے پارینُو۔
اوفتا پاننگءِ کہ ہرتوما ایلمک باڈر آ تیل ئنا روزگار کریرہ، ضلعی انتظامیہ آن خْواست کننگا کہ صغیر سجاد ئے زوت آن زوت سلامتی ئٹ یلہ کننگے۔
ایلو نیمہ آ پاکستانی لشکر بولان مچھ آن کامران پِنی آ ورنا ئے ہلکنے بیگواہ کرینے۔ ہندن اِرا ہفتہ مُست ملانٹ آن پاکستانی لشکر اِرا ورنا سعد/موسی و فرہاد/غفور ئے ہلکس اراکا پد ہرتوماک بیگواہ ءُ، تدینی ئے ہَندی زریعہ آک پک کرینو۔
