بلوچستان نا دہ یونیورسٹی آن پنچ ئٹی وائس چانسلر ارے ولے ایلو پنچ ئے ویتہ وائس چانسلر آن چلّفنگ نا خبر بسّنے۔
دا خبر کنل پاکستان نا سرکاری یونیورسٹی تیٹ وائس چانسلر تخنگ نا کیس ئٹ سپریم کورٹ ئٹی پھاش مسّنے۔
پاکستان ٹی سرکاری یونیورسٹی تیٹ وائس چانسلر تخنگ نا کیس ئے سپریم کورٹ نا چیف جسٹس قاضی عیسی نا کماشی ٹی مُسہ باسکی بینچ بِنگک۔ اراڑے ہائر ایجوکیشن نا کُنڈان تیوعہ یونیورسٹی تہ زی آ حوال بنفنگا۔
سپریم کورٹ ئٹی پاننگا کہ پاکستان ٹی یک سد ءُ پنجا ءُ چھار سرکاری یونیورسٹی ارے۔ شست ءُ شش یونیورسٹی نا وائس چانسلر کن زیاتی چارج تننگانے یا عہدہ آک ہورک ءُ۔
وفاقی دارالحکومت نا بیست ءُ نُہہ یونیورسٹی آن بیست ءُ چھار آ وائس چانسلر تخوکے ہندن پنچ ہورک ءُ۔ بلوچستان نا دہ یونیورسٹی آن پنچ ئٹی وائس چانسلر ارے ولے ایلو پنچ ئٹی ایکٹنگ وی سی ءُ۔ پختونخوانا سی ءُ دو سرکاری یونیورسٹی آن دہ ئٹی مستقل وی سی ساڑی ءُ ہندن شانزدہ ٹی زیاتی چارج و شش ہورک ءُ۔
