پاکستانی لشکر کیہی بندغ آتے دزگیر کننگ آن پد نادُرست جاگہ سے آ درے ۔
حوال آتا ردئٹ پاکستانی فورسز بلوچستان نا ضلع ڈیرہ بگٹی نا ہند سوئی نا جتائنگا ہندا تیٹی سرچ آپریشن نا وخت آ کیہی بندغ آتے دزگیر آن پد نادُرست جاگہ آ درے اوفتیان داسکان کسے نشان تننگ متنے ۔
پاکستانی لشکر نا دو آن بیگواہ مروکاک دوست علی ولد دوستین بگٹی ، بالاچ ولد شاھ مور بگٹی، دلشاد ولد عابد حسین، یاسین ولد غلام مصطفیٰ بگٹی، صالح ولد ہزار خان بگٹی، یوسف ولد ظہور و پوپل ولد لال بخش بگٹی نا پن ئٹ چائنگار ۔
ہندی بندغ آتا ردئٹ لشکری کارندہ آک دا وخت آ اُراتیٹی گڑاتہ پرغنگ و ہندی تہ لٹ و کٹ کرسا تشدد نا گواچی کریر۔
پین ہم کیہی بندغ آتے بیگواہ کننگانے ارافتا دائسکان بابت ئٹ ہچو حوال رسینگتنے۔
