کیچ/گوادر: زوراک آ پاکستانی لشکر چھاپہ خلیسہ پین اِرا ورنا دزگیر کننگ آن پد بیگواہ کرینے۔
حوالکار نا رد ئٹ کیچ ئنا ہند ہوشاپ آن زوراکی ئٹ بیگواہ مروکا ورنا نا پن ہاتر نوکاپ ولد نوکاپ ارا زمیاد لاری نا ڈرائیور ئسے۔ استو شام ئنا دہ بجہ پاکستانی لشکر و ڈکھکوک ادارہ تہ کارندہ آک اونا اُراغہ چھاپہ خلیسہ اودے تینتون درینو۔
حوالکار نا رد ئٹ سربندن آن زوراکی ئٹ بیگواہ مروکا ورنا نا پجار نیاز ولد ابدال نا پن ئٹ چائنگ مسونے ارادے استو شام پاکستانی لشکر اونا اُراغہ چھاپہ خلیسہ بیگواہ کرینے۔
یاتی مرے کہ استو شام سربندن آن محسن ولد رحیم بخش پنی ءُ ورناس ئے دزگیر کننگ آن پد بیگواہ کننگانے۔
