گوادر ئے ٹٹ کننگ نا مسخت بلوچ نا زندگی ئے قید کننگءِ۔ دا کھُل چین ئنا وڑ انگا ریاست آتا میگا پروجیکٹس و سی پیک نا بناء مننگ آن پد کننگ مننگءُ۔ بندغ آتے گوادر آن ہمپنگ کن مجبور کننگءُ ۔
دا ہیت آتے بلوچ یکجہتی کمیٹی نا رہشون ڈاکٹر مہرنگ بلوچ تینا اسہ ویڈیو درشان ئسے ٹی کرے ۔
ڈاکٹر مہرنگ نا پاننگ ئس کہ پاکستان گوادر ئے چھار انگا نیمہ غاتے ٹٹ کرِسہ بند کننگءِ۔ گوادر ئے ٹٹ کننگ نا مسخت بلوچ نا زندگی ئے قید کننگءُ ۔
ارا وخت آن دا کاریم بناء مسُنے گوادر ئٹی پاکستانی لشکر زوراکی کرسا بندغ آتے زورانسری بے گواہ کننگءِ،ماہی گیر آتا روزگارتے پلنگ و بندغ آتے ہموفتا زمین تیان کشنگ کن مجبور کننگءُ ۔
او پارے کہ اسہ ہندنو انفراسٹیکچر ئس جوڑ کننگانے کہ ہرسال پِر ئنا سوب آن سیلاب برے و بندغ آک مجبور مرِسہ گوادر ئے یلہ کیر ولے دا کھُل سازش آتے آن پد ہم بندغ آک تینا زمین تے اِلنگ کِن تیار افس ۔
یاتی مرے کہ گوادر ئٹی ٹٹ کننگ نا منصوبہ نا برخلاف اینو بلوچ یکجہتی کمیٹی نا بھلنی ٹی برانز ئنا پڑو کننگانے ۔
