سربندن گْوادر بلوچستان ٹی پنجاپی تا خلّنگ آن پد لشکر نا دُو آن بھازا بندغاک بیگواہ، مخلوق سربندن ٹی برانزی ریلی کشّا۔
بیگواہ آ بندغاتا آجوئی کِن خاہوت آتا نیمہ آن سربندن چوک آن جیٹی اِسکان پُر ایمن برانزی ریکی ئس کشّنگا، اراٹی سربندن نا اُلس بھلو کچ ئسیٹ بشخ ہلک ارا امن و بیگواتے کن توار ہرفّیر۔
ریلی نا ایسر ئٹ سربندن نا سیاسی و چاگڑدی بندغ کہدہ حمید عصا و یونین کونسل سربندن نا کماش نصیب نوشیروانی تْران کرسہ پاریر کہ سربندن نا تاریخ مدام امن مسّنے ارادے برجاء تخنگ کن نن اینو ریلی ئس کشّان، ننا اسہ خْواست ئسے کہ سربندن امن ئٹ مرے و بیگواہ تے سلامت آجو کننگے۔
سربندن ئٹی لشکر نا دُو آن بیگواہ مروکا بندغ آتا پجار سمیر باوہ نا پِن حمزہ، بلال باوہ نا پِن رضا محمد، در محمد باوہ نا پِن کریم بخش، امیر باوہ نا پِن اسلم و امان باوہ نا پِن جمعدار، آ درست مسّنو و کُل سربندن نا ہندیءُ۔
