بلوچستان نا ہند خاران ئٹی ہنوکا شام مُسہ تراک آن پد سُمکاری نا توار مس۔
ہندی تہ رد ئٹ خاران ئٹی مُسہ تراک اوکان پد سُمکاری ہم مس ۔
اَسہ پین ہندی سینا پاننگ ئس کہ تراک ڈکھکوک ادارہ و ایس پی خاران عزیز جھکرانی نا جاگہ آ مسُنے ، تراک آن پد سُمکاری نا توار ہم بننگا ولے دا خبر تمتنے کہ سُمکاری جلہو کروکا تا نیمہ آن مسُنے یا پولیس کارندہ آتا نیمہ آن۔
یاتی مرے کہ داکان مُست ہم ہندا جاگہ تیا سلاہ بند آجوئی خواہوک تنظیم آ تا نیمہ آن کیہی جلہو کننگانے۔
ایلو نیمہ آ ضلع گوادر نا تحصیل جیونی ٹی ڈکھکوک شورہ تہ تراک آن اِرا چُنا ٹپی مسنے ۔ جیونی نا ہند پانوان(اوکار) آ زمین ٹی کھڈ آئی ڈی بمب ترخنگ آن گوازی کروکا اِرا چُناک ٹپی مسُر ۔ہرتوما چُنا تے گوادر اسپتال آ درینو ۔
