بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک کیچ ئنا بھلا شار تربت نا خڑک جوسک سی پیک کسر آ پنجاب کن ہنوکا ٹرالر ئے ہُشار ۔
اِستو یانزدہ ءُ نیم بجہ آ سرمچار آک کیچ ئنا ہند جوسک ئٹی سی پیک کسرئے بند کرِسہ لاری تہ چیکنگ ئے کریر و پنجاب آ ہنوکو اسہ ٹرالر ئسے ہُشار ۔
دا ٹرالر گوادر پورٹ آن مڈی تے ہرفِسہ پنجاب آ دننگ اسک ۔ سرمچار آک ٹرالر آپریٹر آتے بندغی بنیات آ خبردار کرِسہ یلہ تسُر ۔
قوضہ گیر پاکستانی ریاست جتائنگا وڑتے ئٹ بلوچ آتا مڈی تے لُٹِسہ پنجاب ئے آباد کننگ خواہک ۔ بلوچ سرمچار آک بلوچ راجی وسائل و سرزمین نا رکھ ئکن ہروخت تیار ءُ ۔ ہچ کس ئے ہم حق افک کہ اوفک بلوچ راج ئنا رضامندی آن بیدس سرزمین نا وسائل آتا سودا ئے خلیر ۔
نن وار وار سرمایہ کار آتے خبردار کرینن اسہ وار ئس پین عالمی و عیلاقائی سرمایہ کار آتے و ٹرالر تا مالک آتے خبردار کینہ کہ او دا منصوبہ تا بشخ جوڑ مفس ۔ بلوچستان حالیت جنگ ئٹی ءِ ۔ دا حالیت ئٹی کُل سرمایہ کار آک تینا ہرقسم نا نسخان نا ذمہ وار تینٹ مرور ۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک ۔ دا جلہوک بلوچستان نا آجوئی اسکان برجاء مرور ۔
