بلوچستان نا ہند ڈیرہ مراد جمالی ٹی خان کوٹ نا ہند ئٹ سلاہ بند بندغ آتا سُمکاری آن بندغ ئس بیران ، پولیس نا رد ئٹ تھانہ خان کوٹ نا سیم ئٹ سلاہ بند بندغ آک دشمنی نا سوب آن سُمکاری کریسہ بشیر احمد پِنی ءُ بندغ ئسے خلکُر و نرار ۔
حوال سر مننگ آ پولیس ہمو جاگہ آ رسینگا و جون ئے اسپتال آ درے، کاروائی آن پد جون ئے خاہوت نا حوالہ کریر ۔
ایلو نیمہ آ ضلع پنجگور ئٹی پاکستانی لشکر ورناسے دزگیر کننگ آن پد بیگواہ کرے ، بیگواہ مروکا ورنا نا پجار زاہد ولد حاجی خالد حسین نا پِن ئٹ مس ارا پَنجگُور نا ہند چتکان نا ہندی سے۔
حوال آتا رد ئٹ کہ ہندا بندغ بینک ئٹی کاریم کریکہ ہنوکا پنج شمبے آ کاریم آن اُرائے رسینگا لشکر اُرا آتا چھاپہ خلک و ہندا ورنائے دزگیر کننگ آن پد نا دُرست جاگہ سے آ درے ۔
