آواران : اِرا دِے مُست زوراک آ پاکستانی لشکر نا دُو آن اِرا ورنا دزگیر کننگ آن پد بیگواہ کننگار ۔
حوالکارنا رِد ئٹ زوراکی ئٹ بیگواہ مروکا ورنا تہ پجار جاوید ولد محمد قاسم و کمبر ولد مراد نا پن ئٹ مس ارافک جھاؤ نا ہند بدرنگ نا تولوک ءُ۔ اِرا دے مُست اوفتے آواران نا بازار آن زوراک آ پاکستانی لشکر دزگیر کننگ آن پد بیگواہ کرینے۔
زوراکی ئٹ بیگواہ آ ورنا تہ بابت ئٹ پاننگ مننگءِ کہ او ہرتوماک تینتون سیالءُ ۔
یاتی مرے کہ بلوچستان ئٹی زوراک آ پاکستانی لشکر نا نیمہ آن زوراکی ئٹ بیگواہی نا سلسلہ برجاء ءِ، منہ دے مریک کہ ہردے جتا جتا ہند آتیان دے ئس اِرا مُسہ بندغ نا بیگواہی نا حوال سر مریک ۔
