گْوادر بلوچستان آن پاکستانی لشکر اسہ بندغ دزگیر کرسا بیگواہ کرینے۔
بیگواہ مروکا مسلم باوہ نا پِن محمد رحیم جاگہ دشت شولی نا ہندی ئٹ چائنگ مسّنے۔
حوال آتا رِدٹ اِرا دے مُست پاکستانی لشکر بازار ئٹی مخلوق نا مونا اودے دزگیر درے و اوکان پد بیگواہءِ۔
یاتی مرے کہ دا ورنا اِرا ہزار ہژدہ ٹی ہم جون ئنا تُو ئٹی دزگیر کننگاسس ارادے پدا نازُرک حالت ئٹ اسپتال آ راہی کریسُر۔
او وخت دزگیر نا وخت سزا نا سوَب آن اونا گُردہ ئس ہم خراب مسس۔ خاہوت اودے نیمہ مُڑدہ حالت ئٹی علاج کن کراچی آ دریس ولے داسا پدا اودے پاکستانی لشکر دزگیر کرینے۔
