بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک کیچ ئنا ہند تمپ ، رودبن ئٹی جوڑ مروکا دشمن پاکستانی لشکر نا چوکی و ٹاور آ خلوک آ کیمرہ تے ٹک کریر ۔
اِستو ہشت ءُ نیم بجہ آ سرمچار آک رودبن ئٹی قوضہ گیر پاکستانی لشکر نا چوکی و خڑک ئٹی جوڑ مروک ٹاور ئٹی خلوک سرویلینئس کیمرہ تے پوسکن انگا سلاہ تیٹ ٹک کریر ۔ دا جلہو ئٹی دشمن نا اِرا کارندہ ٹپی و سروائیلنس کیمرہ آک بھُس مسُر ۔
دا جلہو آن پد شکست کنوک آ لشکر لس آبادی آ سُم و گولاباری کرے ، ارانا سوب آن اِرا معصوم ءُ رہگوز ٹپی مسُر ۔ لس آبادی و بندغ آتے ٹک کننگ شکست کُننگ نا نشانی ءِ ۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک ۔ بلوچ سرزمین نا آجوئی اسکان قوضہ گیر لشکر آ جلہوک ترندی ئٹ برجاء مرور ۔
