ڈیرہ غازی خان آن پاکستانی لشکر اِرا بندغ ئے دزگیر کرسا بیگواہ کرینے۔
بیگواہ مروکاک برکت بلوچ باوہ نا پِن احمد علی جاگہ پورٹ منرو تھراتانی تل و حفیظ باوہ نا پِن علی جاگہ پورٹ منرو تھراتانی تل آ درست مسّنو۔
ہَندی حوال آتا رِدئٹ دا ورناتے درو ہفت مئی آ پاکستانی لشکر ڈیرہ غازی خان ٹریفک چوک آن ہلکنے و بیگواہ کرینے اوکان پد دا بندغاک خننگپسہ۔ ہرتوماک سْیالی ٹی اِلّہ مار ءُ و ڈیزل نا کاروبار کیرہ ۔
یاتی مرے کہ بیگواہ مروکا برکت ئے داکان مُست مسہ سال لاہور آن پاکستانی لشکر بیگواہ کریسس ارا اسہ ہفتہ سے آن پد یلہ کننگاسس ولے داسا اسہ وار پدا بیگواہ کننگانے۔
