بلوچستان نا ضلع کیچ تمپ ئنا ہند پل آباد ٹی پاکستانی لشکر مُسہ ورناتے دزگیر کننگ آن پد زوراکی ئٹ بیگواہ کرے ۔
زوراکی ئٹ بیگواہی نا گواچی مروکا ورنا تا پجار محسن ولد عبدالصمد ، عادل ولد عبدالصمد و سہیل ولد غلام رسول نا پِن ئٹ مسُنے، ارافتیٹ محسن و عادل ایلمءُ۔
ہندی حوال آتا رد ئٹ لشکر سئے شمبے نا سُہب آ بزغر آتا ہند ئے گھیرہ کرے و مُسٹ انگا ورناتے دزگیر کریسہ تینتو درے ۔
ہندی تہ رد ئٹ زوراکی ئٹ بیگواہی نا گواچی مروکا اِرا ایلم محسن ولد صمد داکان مُست ہم زوراکی ئٹ بیگواہی نا گواچی مسونے، ارا نُہہ تُو آن پد آجو کننگاسس پدا اینو اِرٹمیکو وار بیگواہ کننگانے ۔
