جھاو: ہفت سال مُست کوزہ گیر پاکستانی لشکر نا دوآن زوراکی ئٹ بیگواہ مروکا خان محمد ولد کہور خان نا خاہوت بندغی حق آتا ادارہ آتا توار بُڑز کننگ نا خواست کرینے۔
خاہوت نا پانِنگءِ کہ خان محمد ولد کہور خان جھاو چرچری کورک نا ہندی سے ارادے پاکستانی لشکر 27 اکتوبر 2017 آ جھاو ملاہی گزی کور آن ہمو وخت بیگواہ کرے کہ او تینا بزگل ئے وانڈی دننگ آند پد کوچہ آ تینکن سامان ہلنگ کِن بننگ ئٹی ئس۔
او پاریر کہ خان محمد نا زوراکی ئٹ بیگواہی ئے ہفت سال گِدرینگانے ولے اونا بابت ئٹ دائسکان ہچو حوال ئس اف کہ او امرے و ارانگءِ۔ اگہ خان محمد آ انت ہم میار ئس ارے اودے عدالت نا مونا ہتنگ مرے۔ اونا بیگواہی تیوعہ خاہوت ئے بے وس کرینے۔
خاہوت پارینے کہ نن بندغی حق آتا ادارہ و باسک آتون اوار زند ئنا ہرچ بشخ آتیان سیالی تخوکا بندغ آتیاں خواست کینہ کہ خان محمد نا آجوئی کِن توار بُڑز کیر۔
