دکی بلوچستان ئٹی بارودی سرنگ نا دھماکہ ئٹی گِڑاس بندغ ٹھپی مسّنے، احوال آتا رِدٹ بلوچستان دکی ٹی ٹھکیدار نالی آ بارودی سرنگ نا اِرا دھماکہ ٹی بیست بندغ ٹھپی مسّہ۔ پولیس نا پاننگ کہ اولیکو دھماکہ ٹرک آ مس اوکا پد اونا جاگہ آ بندغ آک مُچ مسّر تو ارٹمیکو دھماکہ مس۔ ٹھپی آتے خُڑک ئنا اسپتال آ راہی کننگانے و مُستی پٹ و پول نا بِنا مسّنے۔
ہندن اینو سُہب ئنا ایئرپورٹ روڈ آ آئی ای ڈی ئس خننگا ہرادے پولیس نا بمب ڈسپوزل اسکواڈ بےسوب کرے۔
پولیس نا پاننگ دھماکہ نا داروک مننگ کیک جاگہ ئس کاریم ٹی ہتنگ کن تخوک اسّر۔
ایلو نیمہ آ، تربت ایئرپورٹ آن اِرا پاکستانی جنگی ہیلی و اسہ ڈرون ئس مزن بند نا مَش تا کُنڈا پیشتمانو، لگّیک ہندن اوفتا ہِننگ آن لس مخلوق نسخان کُنو۔
