آواران : تدوکا سال نومبر آ پیراندر آواران آن زوراک آ پاکستانی لشکر نا دُو آن زوراکی ئٹ بیگواہ مروک آ ورنا اختر ولدصاحب داد نا خاہوت اونا آجوئی کن توار بُڑز کننگ نا خواست کریر۔
خاوت پارے کہ اختر ولد صاحب داد لوپ پیراندر نا تولوک ئسے ارادے 29 نومبر 2023 ئنا شام آ پاکستانی لشکر و ڈھکوک ادارہ تہ کارندہ آک میر دوست بازار پیراندر آ چھاپہ نا وخت دزگیر کننگ آن پد بیگواہ کریر کہ انگہ بیگواہ ءِ۔
خاہوت پارے کہ اختر نا زوراکی ئٹ بیگواہی ئے پنچ توو پورو مس ننے اونا بابت ئٹ ہچو سرپدی ئس تننگ متنے کہ او امرے و ارانگ ءِ۔ اختر نا زوراکی ئٹ بیگواہی آن ننا کُل خاہوت دڑد آتا گواچیءِ۔
زوراکی ئٹ بیگواہی آن اختر ولد صاحب داد نا خاہوت بلوچ راج و بندغی حق آتا ادارہ خواست کرے کہ اختر نا آجوئی کن توار بُڑز کیر۔
