سندھ آن پاکستانی ، پنجابی ڈھکوک ادارہ آک اَسہ وار پدا خدامرزی رازق شر نا اُرا آ چھاپہ خلیسہ بشیر شر ہراکہ مَنہ وخت مُست پاکستانی زندان آن آجو مس ئس اودے دزگیر کننگ آن پد بیگواہ کریر۔
ایلو نیمہ آ دو شمبے نا شام 5 بجہ آ کراچی آن راجی باسک دریا خان برہمانی پنی ءُ باسک ئسے ہم پاکستانی ڈھکوک ادارہ آک برمتہ کریر ۔
سندھ آن ڈھکوک ادارہ آ تا دُو آن سندھی قوم پرست ناسک آتا بیگواہی آ جئے سندھ فریڈم موومنٹ نا چیئرمین سہیل ابڑو تینا شنگ مروکا درشان ئٹی پاکستانی ڈھکوک ادارہ آتا ریاستی دہشت گردی ئے شیف خلیسہ پارے کہ نن بندغی حق آتا جہانی تنظیم آتون اوار جہانی ادارہ تیان خواست کینہ کہ ریاست پاکستان نا نیمہ آن سندھ و بلوچستان ئٹی بندغی حق آتا خلاف ورزی نا برخلاف کاروائی کیر ، نوٹس ہلیر و راجی باسک آ تے آجو کیر ۔
