بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک آواران و خاران ئٹی قوضہ گیر پاکستانی لشکر آ جلہو کریر،جلہو تیٹی اِرا کارندہ خلنگا و مُسٹ ٹپی مس۔
درو شام ئنا پنچ بجہ آ آواران نا ہند کولواہ، کنیچی ئٹی اڈ مروکا دشمن پاکستانی لشکر نا چوکی آ سرمچار آک مُست اسنائپر ئٹ جلہو کرسا اسہ کارندہ سے خلکُر و چوکی آ پوسکُن انگا سلاہ تیٹ جلہو کریر، جلہو ئٹی اسہ پین کارندہ ئس ٹپی مس و چوکی ئے ہم نسخان رسینگا۔
اسہ پین جلہو ئسیٹی سرمچار آک درو شام ئنا ہفت بجہ آ خاران نا ہند پتکن ئٹی ریکمی پل ئنا ٹک آ اڈ مروکا قوضہ گیر پاکستانی لشکر نا چوکی آ بھلا و پوسکُن انگا سلاہ تیٹ جلہو کریر، جلہو ئٹی دشمن نا اسہ کارندہ ئس خلنگا و ارٹ ٹپی مسُر۔
جارکش ایسر ئٹ پارے کہ بلوچستان لبریشن فرنٹ جلہو تہ ذمہ واری تے ہرفک،بلوچ سرزمین نا آجوئی اسکان دشمن لشکر آ جلہوک برجاء مرور۔
