بلوچستان نا ضلع کیچ آن پاکستانی لشکر اَسہ پیرو بندغ ئسے تون اوار مُسہ بندغ دزگیر کننگ آن پد زوراکی ئٹ بیگواہ کرے ۔
بیگواہ مروکا تہ پجار پراک ولد کمال،مجاہد ولد تاج محمد و دودا ولد لعل بخش نا پن ئٹ مس ۔
دافتیٹی اَسہ پیرو بندغ ئسے ارادے ہنوکا شام دشت ئنا درچکو آن لشکر چھاپہ خلک مجاہد تون اوار دزگیر کرے اراکان پد ارٹنگاک بیگواہءُ ۔
ہندُن تُربَت آن لشکر دودا پنی ءُ ورناس ئے دزگیر کننگ آن پد بیگواہ کرے ۔
خاہوت نا پاننگءِ کہ ہنوکا شام تربت نا ہند میری آن اِرا لاری تیٹی تولوک نا دُرست بندغ آک زوراکی ئٹ بیگواہی نا گواچی کریسہ نا دُرست جاگہ سے آ دریر ۔
خاہوت نا پاننگءِ کہ داکان مُست لشکر 15 دسمبر 2023 ٹی دودا نا ایلم بجار ئے دزگیری ٹی ہلنگ آن پد بیگواہ کریر، او وخت دودا اُرا ٹی ساڑی الو لشکر پارے کہ دودا ئے پیشی کن ہتیر او وخت ہرتوما تے یلہ کریر ۔ پدا دودا ئے پیش کریر پٹ و پول آن پد ہرتوما ایلم تے یلہ کریسُر ۔
خاہوت نا رد ئٹ دودا نا دماغی توازن ہم جوان اف ۔
