بلوچستان نا ساحلی شہر گوادر نا ہند آن پاکستانی لشکر بندغ ئسے دزگیر کننگ آن پد نا دُرست جاگہ سیا درے ۔
بیگواہ مروکا بندغ نا پجار دلسرد ولد بودل نا پِن ئٹ مس۔
دا بندغ ئے درو 27 اپریل نا شام آ ساحلی ہند پسنی ٹی دزگیر کننگانے ۔
ایلو نیمہ آ ضلع آواران نا ہند مشکے شردوئی تنک ئنا ہندی حاصل ولد محمد حسین پنی ءُ بندغ ئسے پاکستانی لشکر تینا پوسٹ آ بٹنگیفیسہ نادُرست جاگہ ئس درے اوکان پد او بیگواہءِ۔
ہندی حوال آتا رد ئٹ پاکستانی لشکر حاصل ولد محمد حسین ئے پین بندغ ئسے تون بنڈکی ٹی برجاء انگا پوسٹ خوائفے وختس اوفک ہنار اونا ہمراہ ئے یلا کریر و حاصل ئے دزگیر کننگا۔
پاننگ مننگءِ کہ دا مُسٹمی وارءِ کہ حاصل ئے پاکستانی لشکر نا نیمہ آن زوراکی ئٹ بیگواہ کننگ مننگءِ۔ داکان مُست اودے اِرا وار دزگیر کننگ آن پد بیگواہ کننگ مسونے۔
