بلوچ وائس فار جسٹس نا نیمہ آن بیگواہ مروکا بندغی حق آتا باسک راشد حسین بلوچ مُرغنا بیگواہی نا درشان ئٹی پاننگانے کہ راشد حسین ئے دبئی نا سرکار پاکستانی ریاست نا دروغ و ردنگا چائنداری تہ سوَب بیست ءُ شش دسمبر اِرا ہزار ہژدہ آ ہلک و شش تُو توننگ آن پد بیست ءُ دو جون اِرا ہزار نوزدہ آ پاکستان نا دُو ٹی تِس تَہ۔
او پارے کہ راشد حسین نا پاکستان آ راہی کننگ ئے پاکستانی چینل آک تینٹ منّار ولے اودے عدالت آ ہتنگ نا جاگہ آ زور ئٹ بیگواہ کریر، اینو اِسکان اونا خاہوت ئے اونا بابت ئٹ ہِچ پاننگ ئٹی افّس۔ اسلام آباد ہائی کورٹ ئٹی اونا آجوئی کِن خواست کننگانے ولے ہِچّو سوَب ئسے آن پیشی تے پدی بِٹنگ ئٹی ءُ، اراڑان راشد حسین نا بابت ئٹ پریشانی ودسہ کائک۔
او پارے کہ دا بابت ئٹ بلوچ فار جسٹس راشد حسین نا بیگواہی نا برخلاف سئے مئی اِرا ہزار بیست ءُ چھار آ شام ئنا ہفت آن ہلیس دوانزدہ اِسکان ایکس (ٹویٹر) آ مہم ئس چلّفنگ ئٹی ءِ۔ سیاسی و چاگڑدی بندغاک، خوانندہ آک، وکیل، بندغی حق آتا و سوشل میڈیا نا باسک آتان خْواستءِ کہ مہم ئٹی بشخ ہلیر و راشد حسین نا آجوئی نا توار جوڑ مریر ۔
