واسا ملازم آتا تنخواہ تہ رسینگپنگ نا برخلاف کوئٹہ ہاکی چوک آ ریلی و برانز۔
شابیتی حوال آتا رد ئٹ واسا ملازم آتا اِرا تُوو ( مارچ ، اپریل ) نا تنخواک رسینگتنو ، ارانا سوب آن واسا ملازم آک کوئٹہ ٹی ہاکی چوک آ برانز کریر ، برانز ئٹی ملازم آک زو تنخواہ تے تننگ نا خواست کریر و نعرہ بازی کریر۔
ہموخت آ برانزیک پاریر کہ واسا ملازمین آک ہنوکا اِرا تُوو آن تینا تنخواہ تیان زبہر ءُ و داسا بے روزگار ءُ ، حکومت وقت ملازم آتا حوالہ ئٹ غیر زمہ واری نا نشان تننگءِ اراڑان مجبور مریسہ نن برانز کننگ اُن ، ننا خواست تیا عمل کننگ متو ، ننا ایلو برانزی بشخ گورنر و وزیراعلی ہاؤس آ مرو۔
برانزیک ہاک چوک آ تینا برانز ئے برجاء تخانو ، اوفتا خواست ءِ کہ انتظامیہ و حکومت واسا ملازمین تہ تنخواہ تے تننگ و خواست آ تیا زوت عمل کننگ متو۔ نن تینا برانز ئٹی پین تیزی ہتون ارانا ذمہ وار حکومت مرو ۔
