کوہلو: پاکستانی لشکر نا چیک پوسٹ آن دوازدہ دے مُست بیگواہ مروکا بندغ نا جون سبی آن خننگا۔
برجاء انگا توو ئنا یازدہ تاریخ آ کوہلو نا ماچی چیک پوسٹ آن پاکستانی لشکر نا دو آن زوراکی ئٹ بیگواہ مروکا ملک رباء ولد گل محمد مری نا جون سبی آن خننگا۔
ہندی حوال آتا رد ئٹ ملک رباء ئے اسہ پین بندغ ئسیتون دزگیر کرسا بیگواہ کننگاسس، پدا ایلو بندغ ئے یلا کننگا و ملک رباء نا جون ہنوکا دے سبی آن دو تما۔
یاتی مرے کہ بلوچستان ئٹی بیگواہ مروکا بندغ آتا جون آک جتا جتاء انگا وخت آ خننگانو ارافتا کچ ہزارا تیٹیءِ۔
