بلوچ آجوئی لشکر (بی ایل اے) نا جارکش جیئند بلوچ تینا درشان ئٹی پارے کہ سرمچاراک قلات و زامران ئٹی پاکستانی لشکر آ جلہو و مواصلات نا اوزاراتے بُھس کریر۔
او پارے کہ سرمچاراک اِستو جوہان قلات ئٹی قوضہ گیر پاکستانی لشکر نا بھلّا کیمپ ئنا چوکی تہ جلہو کریر، جلہو ٹی کم آن کم اِرا دشمن کارندہ خلّنگا و مُسٹ ٹھپّی مسّر۔
جارکش مُستی پارے کہ سرمچاراک اِستو اسہ پین جلہو ئسیٹ زامران جالگی ٹی قوضہ گیر پاکستانی لشکر نا مواصلات نا اوزاراتے، بیٹری و شمسی پلیٹ آتے نسخان تسّر۔
او پارے کہ جلہو نا وخت آ دشمن لشکر مرسہ بھازا نیمہ غان مارٹر گولہ خلک ولے سرمچاراک سلامت تینا ہند آتا سرمسُر۔
ایسر ئۓ پارے کہ بلوچ آجوئی لشکر (بی ایل اے) ہڑتوما جلہو تہ ذمہ واری تے ہرفک۔ قوضہ گیر پاکستانی لشکر نا بلوچستان آن تیوعہ پیشتمنگ اِسکان ننا جہد برجاء مرو۔
