بلوچستان قلات و زامران ٹی اِستو سِلاہ بند بندغاک پاکستانی لشکر نا بھلا کیمپ آ جلہو کریر و مواصلاتی اوزاراتے نسخان تسر۔
قلات نا مَش تیٹی جوہان ئٹی فوجی کیمپ آ جلہو کننگا، جُلہو ئٹ ہُرے اسکان سُم کاری چَلّا ولے نسخان نا دائسکان حوال بتنے۔
دا جلہو ہمو وخت کننگا ہراتم دو شمبے آ قلات شہر ئٹی پاکستانی لشکر آ بلوچ آجوئی لشکر (بی ایل اے) جُلو کریسس۔
ہندن اِستو زامران جالگی ٹی لشکر نا بھلا کیمپ آن خُڑک نادرست سلاہ بند بندغاک مواصلاتی اوزار و شمسی پلیٹ آتے بھُس کریر دا وخت آ سُم کاری و تراک ئنا توار ہم بننگا۔
دا ارتومکا جلہو تہ ذمہ واری تے دائسکان ہچو تنظیم ئس ہرفتنے، دا ہند آتیٹ بلوچ آجوئی خواہوک تنظیم آک ساڑی ءُ و مُست آن دا وڑ ئنا جلہو تہ ذمہ واری تے ہرفسا بسنو۔
