اوست ویلفیئر آرگنائزیشن نا بھلنی ٹی بلوچستان نا پنی آ عکس کش کمانچر بلوچ نا یات ئٹ یک شمبے نا شام تُربَت ئٹی کینڈل واک ریلی ئس کشنگا اراٹی ورنا تہ بھلو کچ ئس اوار مس۔
ریلی ٹی بشخ ہرفوکاک شہید فدا چوک آ کمانچر بلوچ نا عکس آتا مون آ موم بتی لگفیر و پھل شاغیسہ اودے خراج عقیدت ندر کریر ۔ بجار بلوچ تون اوار ورناک موسیقی نا دروشم ئٹ ہم کمانچر نا کڑدار ئے سلام کریر ۔
ریلی ٹی عصا ظفر و پنی آ چاگڑدی شخصیت بجار بلوچ ہیت کرسہ پاریر کہ کمانچر بلوچ چُنکو زند ئس گدریفے ولے بھلو کاریم ئس کرے ،اونا کروکا کاریم نا بوجھ ننا کوپہ تیا وام ئنا دروشم ئٹ ساڑی ءِ ۔
او فک پاریر کہ کل کمانچر تینا عمر آن بھلو ورناس ئس ۔ ارا تیوتہ بلوچستان ئے تینا ہنرکاری ئٹ جہان ئٹ شنگ کننگ ئٹی سرسہب ءُ کوشست ئس کرے ۔ تینا کیمرہ آن کمانچر بلوچستان نا ہر ہند ئنا زیبائی ئے نشان تس، اونا بے وخت کذیت تیوعہ بلوچستان اودے یات کیک ۔
