بلوچستان نا جتا جتا انگا ضلع تیٹی طوفانی پر تیٹی گِروک، اُراتہ تمنگ و سیلابی دیر تیان 17 بندغ بیران و 24 بندغ ٹپی مس۔
حکومت نا رد ئٹ گوادر، نوشکی، تفتان و چمن تون اوار متاثر مروکا ضلع تیٹی کمک نا سلسلہ برجاء ءِ۔
کوئٹہ تون اوار بلوچستان نا جتا انگا ہنداتیٹی دہ دے آن پد پر تہ سلسلہ سلیس۔
سوراب، پشین، ڈیرہ بگٹی، لورالائی، کیچ، گوادر، چاغی و چمن ئٹی پر تہ سوب آن جتا جتا انگا تدینی تیٹی 17 بندغ بیران و 24 ٹپی مس۔
سخت طوفانی پر تیان چمن، نوشکی ،گوادر نا ضلع تیٹی تباہی مس، چمن ئٹی ٹھیکیدار کلی، اڈہ کہور، کلی شادی زئی و بائی پاس ئٹی سیلابی دیرک اُراتیٹی سر مسُر، اُراک و بجلی نا کمبہ آک تمار، ریلوے نا ٹریک ہم متاثر مس۔ سبی، سنجاوی، قلات، لورالائی و گوادر ئٹی سیلابی حالیت ءِ، بلوچستان نا 7 جتا انگا ضلع تیٹی سیلابی دیر تیان کسر و اسہ پہُل ئسے نسخان رسینگا و پسنی ٹی 80 آن زائد کشتی تے نسخان مس۔
محکمہ موسمیات نا رد ئٹ 25 اپریل آن پر تہ سلسلہ بلوچستان ئٹی بناء مرو۔
