بلوچستان نا ضلع کیچ ئٹی سُمکاری نا تدینی ٹی اسہ بندغ ئس خلنگا و اسٹ ئس ٹپی مس۔
سُمکاری نا تدینی تمپ نذر آباد ئٹی مس۔ سُمکاری ٹی خلنگ مروکا بندغ نا پجار رشید ولد دلشاد نا پن ئٹ مس و اونا ایلم مجید ٹپی مس۔
پولیس نا رد ئٹ تمپ ئنا ہند نذر آباد ئٹی زمینی جیڑہ ئسیا شریف ولد مصطفی سمکاری کرسا رشید ولد دلشاد ئے خلک و اونا ایلم مجیدئے ٹپی کرے۔
تدینی آن پد شریف اوکان پیش تما ارادے پٹنگ کن پولیس کاروائی کننگءِ۔
