بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک کیچ ئنا ہند زامران بامبلو نا مش آ اڈ مروکا دشمن نا چوکی آ جلہو کرِسہ جانی و مالی نسخان تسُر ۔
سرمچار آک 12 اپریل نا شام چھار بجہ آ پوسکن انگا و بھلا سلاہ تیٹ دشمن لشکر نا چوکی ئے رکھیفوک آ مورچہ آتے ٹک کریر ، جلہو ئٹی مورچہ ئے بھاز نسخان مس، دشمن نا اسہ کارندہ ئس کھسک و ارٹ ٹپی مس ۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک ، سرزمین نا آجوئی اسکان قوضہ گیر لشکر آ جلہوک برجاء مرور ۔
