کوئٹہ ٹی نا دُرست بندغ آتا سُمکاری آن اوغان طالبان سینئر مشیر مولوی محمد عمر جان اخوندزادہ خلنگا ۔
کس ئس خلینگ نا ذمہ واری ئے ہرفتنے، تدینی ئے شیف خلیسہ اوغان حکومت تون اواری ۔
شابیتی حوال آ تا رد ئٹ نا دُرست بندغ آک شام ئنا کلی نا ہند ئٹی شیخ الحدیث مولوی محمد عمر جان اخوندزادہ ئے ٹارگٹ کلنگ کریر۔ مولوی محمد عمر جان اخوندزادہ نا خلینگ نا ذمہ واری ئے کس ئس ہرفتنے ۔
اوغان حکومت نا جارکش ذبیح اللہ مجاہد اونا خلنگ ئے پک کریسہ تدینی ئے شیف خلیسہ پارے کہ علما تہ خلنگ افسوسناکءِ۔
سوشل میڈیا پلیٹ فارم ایکس آ ذبیح اللہ مجاہد نا پاننگ اسک کہ ” امارت اسلامیہ ئے ملک ئنا بلا علمی شخصیت نا خلنگ مننگ آ افسوس ءِ ۔ امارت اسلامیہ دا تدینی ئے ملک اکن بھلو نسخان پائک و اونا بندغ آتون اواری نا اظہار کیک۔
